Ek was al in 60 verskillende lande regoor die wêreld, en baie van hierdie lande is plekke waar jy sal ly net omdat jy 'n Christen is.
In Turkye of Jordanië, byvoorbeeld, word kinders uit Christenhuise op skool soos uitgeworpenes behandel. Hulle word allerhande name genoem. Hulle word swak punte gegee. Hulle rapporte word laer gemerk net omdat hulle die Naam van Christus aanroep. Daar is geweldige vervolging. In die grootste deel van die wêreld is vervolging omdat jy ‘n Christen is die norm. Op hierdie oomblik is daar iemand wat vir hul geloof sterf in een of ander deel van die wêreld. In die VSA, aan die ander kant, het ons godsdienstige veiligheid en vryheid.
Ek het met 'n pastoor gesels – hy is eintlik die hoof van 'n denominasie in Jordanië – en ek het gesê: “Hoe moeilik moet dit wees vir jou en jou twee seuns wat in hierdie Moslem-sentrums grootword. Met die vervolging wat jy persoonlik ly en wat jou kinders ly, moet dit vir julle so moeilik wees om op te staan en 'n Christen te wees in 'n kultuur soos hierdie.”
Hy het geantwoord: “Dit is maklik om op te staanin 'n kultuur soos hierdie. Waar dit moeilik is, is in Amerika. Ek wil eerder hê dat my kinders weet dat dit 'n stryd is om vir Christus te leef. Ek wil eerder hê dat my kinders in 'n Islamitiese staat soos hierdie grootword as in Amerika waar hulle deur sekulêre agendas gebombardeer sal word om ons van God en Jesus Christus af weg te trek.”
Kerk, mag ons nie toelaat dat ons van God verlei word deur die skynbare gemak van Christenwees in ons kultuur nie. Die grootste tragedie van alles sal wees wanneer die kerk ophou om sy lig te laat skyn, wanneer dit ophou om Jesus so hoog en verhewe te sien, wanneer dit ophou om God as heilig, rein, waar, regverdig en geregtig te verhef.
Soos die Skrif ons vermaan: “Eindelik, my broeders, word kragtig in die Here en in die krag van sy sterkte. Trek die volle wapenrusting van God aan, sodat julle staande kan bly teen die liste van die duiwel. Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug” (Efésiërs 6:10-12, AFR53).
Ons grootste hoop is om werklik 'n getroue kerk aan die Woord van God te wees, om gehoorsaam aan sy Woord te wees en konsekwent eerlike, volledige openbaringe oor God te verkondig.