Die grootste deel van Amerika weet dat die Hooggeregshof van die Verenigde State beslis het dat die Tien Gebooie nie meer in enige regeringshof vertoon mag word nie. Daar is volledig oor beslissende saak deur die media berig, maar wat beteken die uitspraak?
'n Geregshof is waar wette toegepas word. Die Tien Gebooie verteenwoordig God se morele wet, wat nooit verander nie. Dit is so vas soos die swaartekragwet. As jy daardie wet uitdaag, is dit soos om van 'n hoë gebou af te spring. Jy kan sê dat die wet jou nie raak nie, maar daar is gevolge wat betaal moet word. Die Tien Gebooie is ewige wette wat deur God ontwerp is om te voorkom dat die samelewing homself vernietig.
Ten spyte hiervan, het baie sandspuitondernemings daardie gebooie, sowel as God se Naam, oral afgespuit waar dit in marmer of beton by die hof gegraveer was.
Wat 'n sprekende beeld van die stand van ons samelewing. Hierdie onveranderlike wette is oorspronklik deur die vinger van God op klip gegraveer. Nou word hulle deur die wet van die mens van klip afgehaal.
Sommige Christene sê: “Wat maak dit tog saak? Ons is nie onder die wet nie. Waarom sou dit 'n probleem wees? ” Nee, ons is nie onder die Hebreeuse wet nie, wat beteken die 613 addisionele gebooie wat deur Joodse rabbi's bygevoeg is. Maar elke Christen staan onder die gesag van God se morele wet, wat in die Tien Gebooie opgesom word.
Ander gelowiges beweer: “Ons het hierdie uitbeeldings van die gebooie nie nodig nie. Al wat regtig nodig is, is dat dit in ons harte geskryf moet wees.” Dit is nie wat God se Woord sê nie. Dink aan die baie sigbare teenwoordigheid wat God vir die gebooie bedoel het toe dit aan sy volk oorgelewer is.
“En hierdie woorde wat ek jou vandag veveel, moet in jou hart wees; en jy moet dit jou kinders inskerp en daaroor spreek as jy in jou huis sit en as jy op pad is en as jy gaan lê en as jy opstaan. Ook moet jy dit as ‘n teken bind op jou hand, en dit moet as ‘n voorhoofsband tussen jou oë wees. En jy moet dit op die deurposte van jou huis en op jou poorte skrywe” (Deuteronómium 6:6-9).
As jy God nie in jou midde wil hê nie, gaan Hy nie bloot weg nie. Die Bybel waarsku herhaaldelik oor hierdie saak. Waarom het God Noag se geslag geoordeel deur 'n vloed te stuur? Dit het alles as gevolg van wetteloosheid geskied.
Ons moet bid dat mense hulle weer tot die Here sal bekeer en sy wet weer sal eerbiedig.