Ek was tussen semesters by Baylor Universiteit, toe Gary en David Wilkerson vir my gevra het: "Haai, jy wil na Detroit gaan om deel te wees van 'n kerk wat Gary begin?" Dit was die begin van 'n twee maande lange verbintenis om na Detroit te gaan wat my lewe letterlik verander het.
Elke week, het 'n bussie ons in die slegste deel van Detroit afgelaai en weggery, sodat ons daar kon bedien. Toe kom Gary na my toe en sê: "Jy gaan elke Donderdagaand 'n Bybelstudie lei in 'n prostitusiehotel genaamd Medtown Motel."
Nou moet jy besef dat ek in die kerk gebore en grootgeword het. My ma het my amper gekry terwyl sy sopraan in die Kerskantate by die kerk gesing het. Ek is 'n paar dae later op 22 Desember gebore en ek is grootgemaak in 'n Pinksterkerk. Ek was al by elke kerkkamp. Ek was in elke jeuggroep. Ek het nog nooit in my lewe gerook nie. Ek het nog nooit in my lewe gedrink nie. Ek was nog nooit in my lewe op dwelms nie. Ek was 'n maagd tot die dag toe ek getroud is. Toe sit ek daar in hierdie prostitusiehotel en ek het net gevoel: "Ek het niks nie."
Wel, wat ek gedink het net twee maande sou wees, was uiteindelik die volgende 30 jaar van my lewe. Ons het 'n XXX-rolprentteater met 900 sitplekke in 'n ander deel van Detroit gekoop en 'n kerk daar begin. Daardie eerste aand toe ek in die Medtown Motel gesit het, het ek egter geen idee gehad hoe God my gaan gebruik nie.
Miskien voel jy asof God gesê het: "Gaan", en nou wonder jy: "Wat in die wêreld gaan aan? God, het U saam met my gekom? Of is U nog steeds daar by die brandende bos?"
Ek hou van wat Rick Warren oor oomblikke soos hierdie gesê het: "Die onderwyser is altyd stil wanneer die toets afgelê word." Wanneer God stil is, is daar 'n toets wat plaasvind. Daar is sekere dinge wat ons net oor die aard en karakter van God kan besef wanneer ons situasie 'n raaisel is. Daar is iets kragtigs wat ons rakende God begin verstaan wanneer dit amper lyk asof Hy selfs afwesig is. In die stilte en die misterie kan jy in die middelpunt van God se wil wees.
Nadat hy ‘n middestad gemeente in Detroit vir dertig jaar lank bedien het, het Pastoor Tim vir vyf jaar by Brooklyn Tabernacle in New York Stad en vir vyf jaar in Lafayette, Louisiana bedien. Hy het Senior Pastoor van Times Square Kerk geword in Mei 2020.