tongue

“Dan sal jy roep, en die HERE sal antwoord; jy sal skreeu om hulp, en Hy sal sê: Hier is Ek! As jy van jou verwyder die verdrukking, die uitsteek van die vinger en die leuenagtige woord” (Jesaja 58:9).

Die rede waarom ons bid, vas en God se Woord bestudeer, is om in die hemel gehoor te word. Maar die Here heg ‘n groot “as” hieraan. Hy sê, “As jy wil hê Ek moet jou uit die hoogte hoor, dan moet jy na die sake van jou hart kyk. Ja, Ek sal jou verhoor – as jy ophou om ‘n vinger na ander te wys, as jy ophou om oneerbiedig van hulle te praat.”

Die woorde wat ons spreek, weerspieël wat in ons harte is. “Want uit die oorvloed van die hart praat die mond” (Matthéüs 12:34). Jou tong spreek slegs wat in jou hart is.

Onthou jy toe jy as kind iets stout gesê het? Jou moeder was gou om jou reg te help en jou miskien op een of ander manier te tugtig, reg? Maar noudat jy ‘n volwassene is, moet jy die vermaning van die Skrif dat ons ons tonge moet tem ernstig opneem. “Maar die tong kan geen mens tem nie; dit is ‘n onbedwingbare kwaad, vol dodelike gif” (Jakobus 3:8).